وينك يا شهد الحروف وين ايام الشوق عنك؟!!
مات الوله والا إنّه ماعاد لي في قلبك حاجه
تغيب يا هي قويه غيابك ويا مقساه منك
انتظرتك وراح وقتي في لقاك يرسم لي عجاجه
يا ترى افقدت الصبر والا خاب فيني ظنك
كل شي يهون الا انك تطفي الامل فيني سراجه
اتعبت قلبي بحروف ما هقيتها تجيني منك
شلون تجرح وانت تدري وش قد لك محتاجه
هذا قصيدي يا قلب ينوح منو بحرفه أذبحنك
تعودت من يومي الخساره وعصف الريح وامواجه
يا شهد الحروف تقل تعبان وطول الصبر اتعبّنك
وانا من خمس سنين اذوق الهم وانتظر علاجه
خمس سنين قفوا ولا في يوم بالهنا قلبي رونّك
مير صابره علّ في صبري القى الفرح وابتهاجه
