قصيدهـ { الله واكبر }
^_^
الله اكبـر والله اكبـر والله اكبـر والله اكبـر كـل مـا اقبـل مـزن وادبـر مــا ســرى بــرق ولاح
والله اكـبـر والله اكـبـر والله اكـبـر والله اكـبـر ربـنـا ماغـيـره اكـبـر رب مـوسـى iiوالمسـيـح
محصـي مـا قـد حبـا منـا ومـا منـا دبـا منـزل سـبـا مـنـزل تـبـارك والنـبـا مُـجـري iiالـريـاح
جـاعـل الأرضَ كفـاتـا جـاعـل اللـيـلَ سبـاتـا مـنــزل مـــاءً فـراتــا مـرســل بـالـريـح iiريـــح
يوم طشّيت الشماغ وصحت للهاجوس والهاجوس للهاجوس ابو منكوس يا منكوس صاح
ما تقول الا انْ وسط اذني مزامير الف عفريت من الجنْ ساعة الصفرة مع الصفـرة iiتصيـح
يـا قلـم هلّـل وكبّـر لحظتيـن ثــم تعـبّـر فــي الــورق حـبّـر وعـبّـر فــاح فـوحـي فــاح iiفــاح
يا قلم نبغى المعاني بيض كالبيض الغواني يـا قلـم خـذ مـن لسانـي لسـت بالمعنـى iiشحيـح
لي لسـان لا بغـى نظـم القصايـد مـا لغـى يقعـد صغـا مـن لـه صغـا فنجـال قافـه يـوم iiسـاح
كـل قـاف فـي الحشـا مـد الرشـا ادلـى بدلـوه بيـن واجـب مستـعـد وبـيـن واجــب iiمستـريـح
بسـم فهـد سيّـدي فهـد الفهـود الصيهـدي شبـل الأسـود النُجّّـدي فهـد بـن سلطـان iiالجـمـاح
بسـم قائـد منطقتنـا المجتهـد فـي كـل مـا يثـري البلـد يـا مرحبـا يــا ريــح ريـحـان iiوشـيـح
ارحب ارحب وارحب ارحب يالأمير اي والله ان ترحب وترحب رحبة ماهـا قـراح فـي قـراح
عـدّ مـن غـرّد وغنّـى عـدّ مـن شـيّـد وبـنّـى عــدّ مــا مـنّـا ومـنّـا عــدّ كــل صــوح iiوصـيـح
مرحـبـا ياخـالـد الخـالـد سلـيـل أئـمّـة المـجـد الخـوالـد لــك بسـطـنـا كـــلّ راح جـنــب iiراح
مرحبا بك يا سليل ملوك نجد اهل الشـرف والمجـد مـن ذروة هـل العوجـا معطّـرة iiالصفيـح
فـي ذرى دار قـرار شادهـا عبـد العزيـز الـحـرّ مــن وكــر الـحـرار مْـروّيـة شـهـب iiالـرمـاح
ما حكمها من فراغ الا عقب حذف الشمـاغ وضـرب سيـف فـي الدمـاغ مصوّبـه عـدّه
iiذبيـح
دار ابـو تركـي حفيـد الأكرميـن اللـي حكمهـا باليمـيـن وكــلّ رجــل باليمـيـن أشـقـر جـنـاح
ما حكها ابن الملوك الا عقب ممشى بشوك وشـلّ ابـوك وحـطّ ابـوك وكـلْ نطيـح لـه نطيـح
دار ردّاد البرى رجع الثرى نجع الذرى ليث الشرى بدر السرى رجم القـرى ضافـي الوشـاح
دار هدّاج الصخا سعد الرفيق اليا انتخى ستر المزيّـن لأرتخـى عنهـا الستـر حبـس iiالطريـح
يــوم زام الــزار والبـنـدق دخنـهـا ثــار منـهـا ثــار يــا سـتّـار نــار ونــار والضـمّـر iiتــداحّ
يـوم زرقـات السهـوم وشـوم حانيـة الوشـوم القانيـة خمـس الرقـوم وكـلْ نزيـح لـه iiنـزيـح
مـن شجـرة للرفيـق وللصديـق المـا قـراح وللعـدو مـن حـضـر والا مــن بــدو ســمّ iiذحــاح
شجـرة آل سعـود اهـل الجـود بالماجـود لطّامـة شـبـاة الـعـود يــوم الخـيـل بآهلـهـا iiطفـيـح
إن ركب بنـت الحصـان تقـول ليـث وان قصـر مـدّ الزمـان تقـول غيـث عـان برقـه لاح iiلاح
بالمعجّـل والمؤجّـل هـم هـل المـجـد المبـجّـل حـبـر ماضـيـه المسـجّـل دمّ كــلْ قــرم جـريـح
الـولـد خـالـد وسلـطـان هــو الـوالـد ونـعــم بـالـولـد والـنـعـم بـالـوالـد جـبــال مـــا iiتـــزاح
والدك سلطان سلطان الصخا وقت القسا وقت الرخا سقم العدا قصر الندى الرحـب iiالفسيـح
ذلـــك الـحــرّ الأبـــيّ الـوائـلـيّ اليـعـربـيّ الـحـاتـمـيّ الـمـرحـبـيْ لا فــــي غــــدوّ ولا رواح
هـوّ ابونـا وهـوّ اخونـا عزّنـا عـزّه وعـزّه عزّنـا بالجـود كـلّ اسـم إلـى جـاء اسـمـه iiيطـيـح
ايـه ابـو خالـد ولا ياطيـب طيبـه مـن ولـد مثلـه فـلا مثلـه ولــد لا فــي البـيـاح ولا iiالفـيـاح
صيرميّ صمصمي مفراص ماص به خلاص اليا صبخ وبل الرصاص بكلّ سيح وكلّ iiضيـح
سلّح القوّات بأحدث معطيات العصـر واستبشـر بمجهـوده حمـام النصـر فـي عصـره iiونـاح
بالسفـن ذات الـرؤوس وبالحفـن ذات التـروس وكـلّ أسطـول ضــروس لا يــزاح ألا يـزيـح
بالمـدافـع والــدروع وكــلّ كــوع جـنـب كــوع بـكـلّ دبّـابـة تــروع بـكـلّ تـرسـانـة iiســـلاح
زوّده بالنافـثـات العـابـرات وبـالأيــادي الـمـاهـرات آلـيــن كـــلّ بـــات فـــي بـيـتـه iiمـريــح
اولـده خالـد عضيـده قاضـب بأيـده وجـيـده أشـهـد ان خـالـد ولـيـده والعـمـل ســر iiالنـجـاح
صاحـب الـرأي المحنّـك لا هفـى غيـره وتنّـك طيـب طيبـه خـلّ عنّـك كـل سـيـح مــا iiيسـيـح
تــحـــت بـيـرقـهــم تـعـسـكـرنـا ودســكــرنــا مــــــن ايــمــنّّــا لأيـسـرنـاجـنــود iiلـلـكــفــاح
مثـل مـا سـاروا تحتـه اجدادنـا واقولهـا وبكـلْ صراحـة والصراحـة مبـدأ الـرجـل iiالصـريـح
كلـمـة ابديتـهـا نيـابـة عــن سـيّـدي نـبـراس عيـنـي وسـعــدي والـعــذر مـنـكـم iiوالـسـمـاح
بالنيابـة عـن فهـد طيـر السعـد ستـر البلـد علـم صحيـح الا صحيـح ولا يصـحّ الا iiالصحيـح
والختـام انــا احـمـد الله (لاح يمـلاحـي ولاحــي لاح يمـلاحـي ولاحــي لاح يمـلاحـي iiولاح)
^_^
قصيده المشهوورة والكل يحبها { ناقتي }
*******************************************
ناقتي ياناقتي لارباع ولاسديس
وصليني لابتي من وراء هاك الطعوس
حائلاً رابع سنه من خيار العيس عيس
خفها لادرهمت كنه بالنار محسوس
في دجى خالي خلا لاحسيس ولاونيس
تنوخذ من شدة البرد طقطقة الظروس
في عيوني يكفخ الطير ويطيح الفريس
وانتهض جساس من دون خالته البسوس
وفي خفوقي فرخ جنيتاً يضرس ضريس
يوم اوردها هجوس واصدرها هجوس
ديرتي دار ابن ضاري وابن غثلم جريس
ديرة اللي دوجوا في فيافي نجد جوس
ديرتي يابنت شيخاً ومعدنها نفيس
عيطموساً دونها دثرتني عيطموس
جادلاً مطرق جسدها مع الغربي يميس
طينتاً من تربة الخلد والدم محموس
نقشت خمساً من الخمس في يوم الخميس
ليت شعري ما ارادت بهذا دختنوس
كم تمنا إن معه مثلها فتنه بليس
كان يمكن قد قلب نصف إمتنا مجوس
كن دماث الصدر منها كنيسه او كنيس
صومعة رهبان ديراً يؤدون الطقوس
آتقوس مع تقوس نواهدها وإقيس
قبتين قاب قوسين قوساً جنب قوس
خصرها يحكي لنا واقع القوم التعيس
وردفها عن غطرسة بوش يعطينا دروس
وبالرغم من قصرها مايجالسها جليس
تصبح أطول نسوة الارض في وضع الجلوس
العروسه ماتبي غير ابو تركي عريس
العروسه نجد ماهيب حي الله عروس
نجد بنت المجد ونسة مونسة الونيس
ماعسفها الا معزي ضحى اليوم العبوس
كل اهل نجد هلي من إجاء حتى الخميس
في ذراهم بالتجي عن مجففة الرسوس
وعيشتي مابين أسوداً ولو ماني رئيس
(خير من كوني رئيساً على شلقة تيوس)
وليس عيباً إن خدعني بمكره كل هيس
لان مايفهم بمكر الهيوس الا الهيوس
مصطفى في مأدبة عمه البابا لويس
كبر اللقمه تحت ضؤ حمراء الكؤوس
وطسم حدتها على حائط المبكى جديس
يوم شقت ثوبها بنت عفار شموس
سيدة هاك القصر أسمها الاول لميس
دونها سمر الحناجر بترها حد موس
قسقسة لاحرارهم.قيس.قيس.قيس.قيس
والبستهم من مهانتهم انواع اللبوس
بين خدعة كعب اخيلاً ومولد ادونيس
درسونا الالهه والمدرس هنا روس
ويش لاقوا من قناة السويس اهل السويس
وويش لاقوا من تلمسان قوماً من سنوس
كلهم من شدة الجوع راحوا خندريس
بين غيبوبة مخدر وصحوة عرق سوس
ثورة راحوا سببها بتوع الاتوبيس
وش نبي فيها وهي ماتهز الا الغروس
آفة المرء اثنتان الف كاس وحب كيس
والنفوس اليا بغيت اتعرفها ارم الفلوس
ينكشف زيف الشعارات الى حمي الوطيس
ترجع الاذناب إذناب وتبقى الروس روس
صدق لاقال العرب مايحوص الا الخسيس
ولايوط الروس شئياً مثل ضعف النفوس
قصيدهـ { لو تحب اللي يحبك }
لو تحب اللـي يحبـك كثـر ماقلبـه يحبـك
والله ان يحيى ويفنى من سعادة فـي سعـادة
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!
لو نسيم الشوق من جوفي ولـو مـره تهبـك
مابقى غصن من العود الخضر ماهـو رمـاده
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!
لويقول القلب ياريحـان قلبـي ماحسـب بـك
من يصدقني وقلبـي يرتعـش لا قيـل غـاده
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!
ما تشوف اني اجي عريان ابي وصلك وقربـك
دمي شماغي ومن دمعي لبست الثـوب سـاده
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!
يـوم اشبـك ??الهـم سبـع سنيـن اشبـك
ما طرى في بالي اني يوم ابشري لي وسـاده
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!
في عيوني صرت اجمع صورتك دمع واصبـك
لولا خوفي من هلك لبستهـا صـدري قـلادة
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!
لو بيدي ما انـزل لـك جبينـك بـس ربـك
ربك اللي حط في الدنيـا عبيـد وحـط سـاده
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!
ما قطعت الياس من شرقك وانا مشتاق غربـك
الارادة عـن غرامـي فيـك مثـل الـلا إرادة
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!
يامحيرني علـى جمـر الغضـا ياقـو قلبـك
ألف ليل وليل والقمرا علـى خبـري سـواده
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!
إيه بركض ليه ماركض دام هذا الدرب دربـك
يابلغت القصد او يـا يـدرك العبـد الشهـادة
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!
وإن حصل ذا أو حصل ذا مستوي جرحك وطبك
من معه مثلك حـلا يستاهـل الركضـة ودادة
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!
من جمالك يوم اقول لك يا قمـر كنـي اسبـك
وكل فات غيركـم قولـة قمـر غايـة مـراده
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!
من يقول انه كتب بك يا خسارة وش كتب بـك
تمضي الدنيا وكل مـا قـال كلمات(ن)معـاده
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!
من يموت بساعتـه لا طالعـك ماهـو بذنبـك
وكل مقرود ايتحمل مـا يجيـه مـن القـراده
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!
آه لو تحبنـي بـس كثـر مـا قلبـي يحبـك
ماغدا لطـول السهـر لعيونـي القشـرا ؟؟؟
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!
قصيدهـ دثريني
~~{دثرينـي يـا منيـره زملينـي يــا منـيـره
يا منيره في فـوادي فـرخ عبـدٍ طـق زيـره
من هنوفٍ صوبها راع الهـوى يشعـب بعيـره
سيـدة سـادات قـومٌ سـادةٌ أبنـاء ســاده
من بهاها يا منيره ويش أوصف ويـش أخلـي
في جبين الطهر منهـا بـدر سبتيـن متجلـي
هالـةٍ دون المصلـى أخلفـت وجـه المصلـي
في محاجرها عقيد القـوم يومـي بـه جـواده
الحجـاج هـلال مـا هـو فـي أهلتنـا مقيّـد
من يشوفه قبـل لا يبـدي هـلال العيـد عيّـد
لا متى والموت حدر رموشهـا السـود يتصيـد
لا متى ذبح البشر عند العيـون السـود عـاده
دوب يانـع وردهـا فـي روض لبتهـا تفتـق
في سحر منطوقها صرفٍ مـن الـراح المعتـق
وكن ظفايرها علـى الغـره ليـا قامـت تنتـق
خدم سـودٌ وقـوفٌ حـول بنـت البيـه غـادهٌ
يا وجودي يالزبـاد الزبـد يالبيـض المقشـر
يوم حازت من أمامي عمـد وأحمـر المؤشـر
مـا أنـا إلا أخـو عقـمٍ بمـولـودٍ مبـشـر
من سروري يوم أعانق طيفها فـوق الوسـاده
كن أصابعهـا مـن العنـاب أو بسـر عراقـي
أو بلح شـامٍ مجفـف أو قنانـي خمـر ساقـي
وكن ترايبها صحاف التـرك حمـران الطواقـي
في سنا نور رقبتهـا ذابـت أكثـر مـن قـلاده
فتنةٍ من شافها في جو سابـع عـرش عـرّش
كاد ناعم ثوبها في جسمهـا الغـض يتحـرّش
مرحبا يا مرحبا يـا مرحبـا بالطـش والـرش
بالحرير الحـر والغـرو الغريـر الغـر عـاده
كل مـا تكبـر تزيـن وكـل مـا تقـدم تجـدد
كن نحرهـا مـن وراء بوابـة الثـوب يتهـدد
حجم ناحل خصرها في ردفهـا لا جيـت أحـدد
حجم نقطة نون داخل نـون مـا تقبـل زيـاده
بيـن خـصـرٍ إشتـراكـيٍ وردفٍ رأسمـالـي
ويل ويلي شيب عيني طر جيبـي ويـل حالـي
كل غضٍ فـي نحرهـا شايـفٍ نفسـه معالـي
والثنيـن بصـراحـه يستحـقـون الإشــاده
كن عايـم صدرهـا فـي وقفتـه قـرمٍ ينـادي
في خضم المعركه هل مـن مبـارز أو معـادي
من غروره يعتبر كل مـا نقولـه فيـه عـادي
يا مصابيح الرواهب من بياضـه فـي سـواده
من مـزاج الزنجبيلـه فـي شفـاه السلسبيلـه
أورد الساعـي كليـبٌ حتفـه نظـم الجليـلـه
جمـرةٍ فـي روح تمـره ضيعـت أبـو دليلـه
قايـدٍ حـاذاه قايـد ريـم وأنـسـاه القـيـاده
من ليونتهـا كـأن مالـه ولا عظـمٍ جسدهـا
ومن نعومتها تخاف خدودها مـن لمـس يدهـا
ومن كثر ما مشيها جذاب مـا تمشـي وحدهـا
ومن كثر ما جلدها صخيفٍ تحب اللبـس سـاده
ويش يسوى المسك وأبو المسك مع ريحة عرقها
يوم ذبت شالها وأهتـز فـي الملعـب حلقهـا
مـا كـأن الله مثـل باقـي مخاليقـه خلقهـا
فتنةٍ كانـت طقـوس القصـر تعبدهـا عبـاده }~~
قصيده حسب الله :
لعيون أناقة هـاك الوجـه الحلـو (كوفـي)
من منطلق مبدأ ( السنّي كما الصوفي)
على قرار (ابعد البصـري عـن الكوفـي)
صدّق ووقّـع ولـد خالتْـه (منديـلاّ)
من أجل تطبيق قانـون السـلام :إيكـا(1)
جاء ضمن لوحة قرار الحكم :أنتيكا(2)
إلعـن أبوهـم عـرب , دقّــي يمزّيـكـا
غنّـي يواشنطـن وهـزّي يمانـيـلاّ
ما دام (ذلحين) مـا تشفـق علـى (هسّـا)
وما دام (باقي وتوْ ) ما وافقت (لسّـا)
بـالـذلّ والـغـلّ بِنْصَـبّـحْ وبِنْـمَـسّـى
وكـل بـن كلـبٍ بـدمّ كبودنـا فلّـى
شعـبٍ يسمّـون راع الـديـن (وهّـابـي)
ومن ثار دون ارضه يسمّونه (ارهابي)
وراع التقاليـد (متْخـلّـف) و (أعـرابـي)
يحيون يفنـون مـا راسٍ لهـم علّـى
تَحَـتْ شعـارات يـا (بابـا) ويـا (مامـا)
عن سوط حاخام(3) واحد.شعب يتْحامى
بمجـلـسٍ حاكميـنـه ألــف حاخـامـا
وهيهات بن عمْ عن ابن العـمّ يتْخلّـى
يا شيب عينـي مـن الدنيـا ويـا خوفـي
يا ويل ويلي ثلاث ويـا بَـرِيْ جوفـي
كان الصِقَهْ حـظّ سمعـي والعمـى شوفـي
بتوخذ الغالية غصـبٍ علـى مـن لا!!
داعـي سـلامٍ خلَـطْ (فُدْكـا) ب (كونيكـا)
أمّه (سرائيل) وأخت أخت أمّه (إمريكا)
الطاهـرة بنـت شيـخ القـوم (مونيـكـا)
والعاهـرة (رابعـة) والتافهـة جُلّـى
في خانةٍ بين حرف (الشّا) وحـرف (السّـا)
مركب (خبَرْ كان) بالشعب العمى رسّى
مـن نسّتـه نعمـة النسيـان (مـا نسّـى)
تلقى حياته مثـل موتـه سَـوَى بـلاّ
(الشعب) أنا ؟ والا أنا (الشعب) ؟ الله أدرابي
لا فرق , يا قربه الزاحف من الحابـي
المـوت واحـد سـواءً جـاك (عنّـابـي)
أو جاك (أسـود) فهـلاّ تعتبـر هـلاّ
خـلاص يكفـي تـرى تمثيـل و (دْرامـا)
بالعين من واقع الأمّـة (بنورامـا)(4)
أما نبـدّل حجَـرْ (شطرنجهـم) (دامـا)(5)
والا انقلبنا مثل من صـام مـا صلّـى
ما شـيْ تغيّـر بنصـف القـرن يالعوفـي
يا كود توقيع خطّ (النسْخ) ب (الكوفي)
الوضع هوْ هوْ ,عمر صهيـون مـا توفـي
شمطـاً علـى أُمّـة المليـار تتْسلّـى
يـا شعـب عـن شَـدّة الأظعـان ناهيكـا
يا صوت ما ينسِمِع لولا صدى (الميكا)
نجدٍ تقول (ابْـك) وتْجـاوب حَلَـبْ (لَيكـا)
جماد هـلاّ !! وحـيّ بْحـيّ مـا هـلاّ
حلفت وحْياة من (واسـى) ومـن (أسّـى)
ربٍّ يِصَبّـحْ صبـاح وبالمسـا مسّـى
ما يرتخـي (حبـلٍ) الاّ مـن عقـب مَسّـا
ولا عيبٍ اعظم من اسْتِعْطاف من ولّى
لو به سلامٍ بليا حْسـام (إي وابـي) ( 6 )
ما كـان صهيـون قدّمنـي وصلاّبـي
حكـمٍ بـلا سيـف لا غـابـي ولا نـابـي
لك حِبّة الكوع منه اقرب مـدى والاّ ؟
حبر القلـم دفتـره لـو يلحـق المـا مـاء
ياما على شفرة السيف الحـدب يامـا
شعـبٍ تـدارك مـدَارِك دمعـتـه وآمــى
شتّان بين القلم والسيـف أخـو جـلاّ
في الصيف شِتْوِيْ ثيابي في الشتـا صوفـي
بغداد بغـداد يـا جوفـي وسرجوفـي
يفـداك دمّـي وليـت الـدمّ بـسْ يـوفـي
حقّك على السيف لا (حاشا) ولا (كـلاّ)
